Eins og allir vita tók ný ríkisstjórn við völdum hér á landi þann 1. febrúar. Er vonandi að ný ríkisstjórn sinni málefnum tannheilsu Íslendinga af meiri myndarbrag en undanfarnar ríkisstjórnir hafa gert. Það er líka gaman að segja frá því að í fyrsta skipti svo vitað sé tengjast tannlæknar ríkisstjórninni vel og náið. Eiginmaður dóms- og kirkjumálaráðherrans Rögnu Árnadóttur er Magnús Jón Björnsson tannlæknirinn góðkunni og fyrrverandi ritari Tannlæknafélagsins og faðir viðskiptaráðherrans Gylfa Magnússonar er Magnús R. Gíslason fyrrverandi yfirtannlæknir í Heilbrigðisráðuneytinu og fyrrverandi formaður Tannlæknafélagsins.

Tannlæknafélagið óskar þeim nöfnum til hamingju með annars vegar eiginkonuna og soninn hins vegar.

(Ingibjörg og Anný)

TIL ársins 1992 var í gildi samningur á milli tannréttingasérfræðinga og Tryggingastofnunar ríkisins (TR, nú Sjúkratrygginga Íslands - SÍ) um endurgreiðslu á tannréttingum. Samningurinn náði til flestra tryggðra sjúklinga með bit- og tannskekkjur og var verulegur hluti af kostnaði við tannréttinguna greiddur af TR. Árið 1992 var samningum sagt upp, þar sem tannréttingasérfræðingar sáu sér ekki fært að reka stofur sínar á þeim fjárhagslegu forsendum sem TR gaf sér. Það þýddi að þeir sjúklingar sem þurftu á tannréttingum að halda fengu um tíma ekkert endurgreitt. Eftir nokkurt þóf var styrk komið á, sem í fyrstu var 100 þúsund, en var hækkaður í 150 þúsund 1. maí 2002. Hefði sá styrkur verið vísitölutengdur og fylgt eðlilegu verðlagi væri hann yfir 220 þúsund krónur í dag (m.v. vísitölu neysluverðs - Hagstofa Íslands). Styrkurinn fæst greiddur ef tannréttingameðferð með föstum tækjum hefst fyrir 21 árs aldur.

Helgi Hanson benti okkur á þessa frétt úr norska Tannlæknablaðinu. Tanntúrismi- ekki alltaf jólin segir hann.
Skoða krækju

Auglýst er eftir umsóknum um styrk úr Vísindasjóði TFÍ. Tilgangur sjóðsins er að styrkja rannsóknir og stuðla að vísindastörfum á sviði tannlæknisfræði á Íslandi. Reglur sjóðsins kveða svo á um að styrkbeiðnir séu gjaldgengar frá öllum tannlæknum og öðrum vísindamönnum til tiltekinna verkefna, greiðslu kostnaðar við rann-sóknir og útgáfu á ritverkum á sviði tannlæknisfræða hér á landi.

Í umsóknum skal greina frá því við-fangsefni sem óskað er eftir styrk til, áætlunum um kostnað og tímalengd rannsóknar og fjárframlögum frá öðrum til verksins. Að jafnaði veitir sjóðurinn ekki fé til tækjakaupa. Að öðru jöfnu skal sá hafa forgang sem hefur ekki fengið úthlutun úr sjóðnum áður.

Félagsmönnum, sem vinna að rannsóknarverkefnum, er bent á að hægt er að sækja um styrk úr sjóðnum og er umsóknarfrestur til 1. júni 2009. Umsóknir skulu stílaðar á formann Tannlæknafélags Íslands og sendar í Síðumúla 35, pósthólf 8596, 128 Reykjavík

Tannlæknar - Forvarnareftirlit barna

Til að sinna forvarnareftirliti hjá ákveðnum aldurshópum barna sem eru sjúkratryggð skv. lögum nr. 112/2008 óska Sjúkratryggingar Íslands (SÍ) eftir sjálfstætt starfandi tannlæknum til að gerast aðilar að rammasamningi frá 1. janúar 2009.

Sambærileg þjónusta hefur hingað til verið veitt samkvæmt samningi samninganefndar heilbrigðisráðherra og Tannlæknafélags Íslands.

Þeir sem áhuga hafa á að veita ofangreinda þjónustu geta nálgast rammasamninginn og umsóknareyðublað á heimasíðu Sjúkratrygginga Íslands www.sjukratryggingar.is

Nánari upplýsingar veitir Guðlaug Björnsdóttir, framkvæmdastjóri samninganefndar, í síma 560 4539 eða í tölvupósti gudlaug.bjornsdottir@sjukratryggingar.is 

Auglýsing þessi byggir á 40. gr. laga nr. 112/2008 um sjúkratryggingar.

Kostnaðargreining Landspítala

Egill Kolbeinsson tannlæknir sendi okkur krækju á heimasíðu LSH, um svokallað DRG kerfi (Diagnosis Related Group). Þetta er kostnaðargreiningarkerfi sem unnið er á LSH (Takk Egill)

Hér er margt fróðlegt að sjá, t.d. er verð á tannúrdrætti (187 og 187O) kr. 419.941 og 165.247 fyrir ósjúkratryggðan sjúkling sem leggst inn á spítalann. Svo virðist sem verð á göngudeildum sem helmingi lægra. Tannlæknar geta því flestir farið að hlakka til þegar "ríkið" fer að kostnaðargreina okkar störf að einhverju viti.

Farið varlega um jólin og passið ykkur á að lenda ekki í því að valda ríkinu óþarfa kostnaði -142-Yfirlið og örmögnun án aukakvilla kr. 385.224.

Gleðileg jól. Ingibjörg S. Benediktsdóttir

Kostnaður við Sjúkratryggingastofnun hleypur á hundruðum milljóna.

Hér kemur Heilsustefna Heilbrigðisráðuneytisins.

Reynið að finna hvort orðin tönn eða tannlækningar koma einhvers staðar fyrir á þessum 25 síðum.

Heilsustefnan

Það upplýsist hér með að samkvæmt mati lögfræðinga Heilbrigðisráðuneytisins, þá er tannlæknum óheimilt að ráða tannfræðinga til sín sem verktaka. Þeir verða að vera ráðnir sem launþegar.

Tannfræðingar verða samkvæmt reglugerð að vera launþegar því deyfingar og önnur störf þeirra eru á ábyrgð vinnuveitanda sem er í þessu tilfelli tannlæknir (húsbóndaábyrgð).

Því er öruggast fyrir félagsmenn að hafa tannfræðinga sem launþega og mælir stjórn félagsins eindregið með þvi að félagar fari að áliti lögfræðinga ráðuneytisins.

Vegna óvissu á fjármálamarkaði hefur verið ákveðið að ráðstafa tímabundið öllum iðgjöldum í Lífeyrissjóð tannlækna inn á sérstaka bankabók.  Þessi ákvörðun er tekin vegna þeirrar óvissu sem gætir um verðmæti sjóðsins og er til þess fallið að tryggja jafnræði sjóðfélaga.  Þegar óvissunni linnir og verðmæti sjóðsins liggur fyrir verður iðgjöldum að nýju varið til fjárfestinga í sjóðnum. Tryggt er þannig að sjóðfélagar þurfi ekki að óttast skerðingu á nýjum iðgjöldum sem greidd eru til sjóðsins eftir gjaldþrot bankakerfis okkar.

F.h. stjórnar L.T.F.Í.

Björn Ragnarsson, formaður sjóðsstjórnar.