Tannlæknafélag Íslands
Fréttir
13.11.2010
Ályktanir aðalfundar TFÍ.
Aðalfundur Tannlæknafélags Íslands sem haldinn var 11. nóvember sl. samþykkti eftirfarandi ályktanir.
1. Tannlæknafélag Íslands skorar á stjórnvöld að virða Barnasáttmála Sameinuðu Þjóðanna en þar skuldbinda aðildarríki sig til að tryggja réttindi barna án mismununar af nokkru tagi.
2. Tannlæknafélag Íslands hvetur heilbrigðisyfirvöld til að fjarlægja fjárhagslegar hindranir barna að tannheilsugæslu og í það minnsta að nýta þær fjárveitingar sem Alþingi ákveður í fjárlagafrumvarpi. Á síðasta ári var 300 milljóna afgangur af fjárlögum sem hefði geta nýst efnalitlum fjölskyldum.
3. Tannlæknafélag Íslands hvetur alla þá sem láta sig tannheilbrigði varða að taka höndum saman til endurreisnar tannheilsu þjóðarinnar. Í nýrri heilbrigðisáætlun til ársins 2020 er kjörið tækifæri til myndarlegs átaks í tannheilsumálum sem gæti skilað þjóðinni ómældri hagkvæmni þegar fram líða stundir.
4. Tannlæknafélag Íslands hvetur heilbrigðisráðherra til að fara að lögum og marka stefnu í tannheilbrigðismálum. Félagið hefur ekki séð neinar tillögur til bættrar tannheilsu frá heilbrigðisráðherra sem á skv .sjúkratryggingalögum að vera stefnumarkandi. Tannlæknafélag Ísland hefur markað stefnu til bættrar tannheilsu en ekki hefur fengist fundur með ráðherra til að kynna lausnir til úrbóta.
13.11.2010
Stjórn Tannlæknafélags Íslands 2010-2011.
Á aðalfundi félagsins 11.nóvember s.l. var Sigurður Benediktsson kosinn áframhaldandi formaður, aðrir í stjórn félagsins eru:
Stefán Hallur Jónsson varaformaður
Kristín Heimisdóttir gjaldkeri
Börkur Thoroddsen ritari
Elfa Guðmundsdóttir meðstjórnandi.
Í varastjórn eru:
Eva Guðrún Sveinsdóttir
Bjarni Sigurðsson
4.11.2010
26. Ársþing Tannlæknafélag Íslands 2010
Verður haldið á Hótel Hilton Nordica dagana 12. og 13. nóvember.
Yfirskrift þingsins er "Tannlækningar 2010 - "Nýjungar"
|
|
|
Á þinginu verður að finna fjölbreytta röð fyrirlestra og umræðna um nýjustu þróun á sviði tannlækninga.
Dagskrá 26. ársþings tannlækna inniheldur fjölda fyrirlestra, kynninga og sýningu á nýjungum í tækni til tannlækninga.
Dagskrá tanntækna og aðstoðarfólks
Skráið ykkur fyrir 8. nóvember
Uppsetning sýningarbása hefst f.h. kl. 9.00 fimmdudaginn 11. nóv.
Áríðandi er að panta alla aukahluti áður en uppsetning básanna hefst. Guðni Sigfússon hjá Sýningarkerfum ehf veitir allar upplýsingar um aukahluti í básana. gudni@syning.is
4.11.2010
Sjúkratrygginar Íslands taka upp rafræn samskipti
SÍ eru nú að hefja rafræna miðlun í rauntíma til veitenda heilbrigðisþjónustu um m.a. réttindastöðu sjúkratryggðra. Um áramótin opnar á www.sjukra.is Réttindagátt og Gagnagátt verður endurskoðuð.
4.11.2010
Hreinn munnur mikilvægur í rómantíkinni
Ef ætlunin er að vera rómantískur, er mikilvægara að hafa hreinar tennur en að kveikja á kertum, setja á sig ilmvatn eða spila rómantíska tónlist.
23.8.2010
Skaðleg lýsingarefni tekin úr sölu á Netinu
Google, eBay og Amazon hafa samþykkt selja ekki lýsingarefni á Internetinu sem innihalda meira en 0,1% vetnisperoxíð. Þetta gera þau eftir að upp komst, en Evrópusambandið bannar sölu á lýsingarefnum sem innihalda meira en 0,1% vetnisperoxíðs eins og áður sagði. Sjá hér
18.8.2010
Íslendingar fá birta fræðigrein í virtu tímariti.
Birt hefur verið ítarleg grein um tannátutíðni á Íslandi í tímaritinu Community Dentistry and Oral Epidemiology. Í greininni er m.a. MUNNÍS rannsókninni gerð ítarleg skil, sem sýndi fram á óásættanlega tannátutíðni á Íslandi.
Hægt er að nálgast greinina gegnum Landsaðgang Hvar.is
7.8.2010
Tengsl tannholdssjúkdóma og Alzheimer komin fram
Vísindamenn í New York hafa fundið hugsanleg tengsl milli tannholdssjúkdóma og Alzheimer.
28.5.2010
Bursta tennurnar tvisvar á dag
Þeir sem ekki bursta tennurnar eru í 70% meiri hættu að fá hjartasjúkdóma en þeir sem bursta tennurnar tvisvar á dag. Þetta sýna niðurstöður nýrrar rannsóknar skoskra vísindamanna.
Rannsóknin sem náði til 11 þúsund einstaklinga og stóð í átta ár, sýnir samband hjartasjúkdóma og tannhirðu.
Þeir sem ekki bursta tennurnar eru í meiri hættu en þeir sem hugsa vel um tennurnar. Á rannsóknartímanum fengu 555 þátttakendur fyrir hjartað. Þar af létust 170 úr hjartaslagi.
Niðurstöðurnar sem birtar eru í breska læknatímaritinu The British Medical Journal staðfesta fyrri niðurstöður rannsókna um að samband sé milli sjúkdóma í munnholi og hjartasjúkdóma. Þeir sem ekki sinntu hreinlæti í munni greindust einnig með eggjahvítu í blóði sem talið er að tengist bólgum en bólgur auka hættu á að blóðtappar myndast sem geta leitt til hjartaslags.
Þetta er í fyrsta sinn sem vísindamenn kanna hvort það skipti máli fyrir tíðni hjartasjúkdóma hve oft fólk burstar tennurnar. Tekið var tillit til annarra áhættuþátta fyrir hjartasjúkdóma, eins og þjóðfélagsstöðu, offitu, ofþyngd, reykinga og erfða og fjölskyldu sögu og niðurstaðan var skýr. Þeir sem burstuðu tennurnar tvisvar á dag voru í minni hættu en aðrir að fá hjartasjúkdóma
Stjórnborð
Leit
Mynd
