Þorvaldur Einar Ragnarsson f. 16. nóv. 1944 á Hellu á Rangárvöllum.

Faðir: Ragnar Jónsson, skrifstofustjóri í Reykjavík, f. 24. ágúst 1915, d. 25. nóv. 1992. For.: Jón Jónsson, bóndi í Bóluhjáleigu í Ásahr. og síðar á Hrafntóftum í Holtahr., Rang., f. 5. ágúst 1867, d. 5. sept. 1953, og k.h. Anna Guðmundsdóttir, húsfreyja, f. 18. nóv. 1876, d. 27. ágúst 1962.

Móðir: Kristín Guðrún Einarsdóttir, húsfreyja í Reykjavík, f. 6. maí 1923. For.: Einar Einarsson, bóndi í Vestri-Garðsauka í Hvolhr., Rang., f. 2. nóv. 1869, d. 26. júlí 1939, og k.h. Þorgerður Jónsdóttir, húsfreyja, f. 12. des. 1878, d. 4. ágúst 1967.

Nám: Stúdent frá M.R. 1964. Cand. odont. frá H.Í. 1970. Tannlækningaleyfi 30. júní 1970. Framhaldsnám í tann- og munngervalækningum (Prosthodontics) við University of Alabama í Birmingham í Bandaríkjunum 1971-73 og í sömu grein við Gautaborgarháskóla í Svíþjóð 1973-74. Sérfræðingsleyfi í tann- og munngervalækningum 9. mars 1987.

Störf: Aðstoðartannlæknir hjá Halli Hallssyni (yngra) ásamt skólatannlækningum í Reykjavík frá júní 1970 til júní 1971. Residency við University of Alabama, School of Dentistry, í Birmingham í Bandaríkjunum frá júlí 1971 til júlí 1973. Aðstoðartannlæknir hjá Páli Jónssyni á Selfossi júlí-sept. 1973 og við Gautaborgarháskóla, Odontologiska kliniken, 1973-74. Stundakennari við tannlæknadeild Háskóla Íslands frá okt. 1974, ásamt tannlækningum hjá Reykjavíkurborg, Sverri Einarssyni og Guðmundi Árnasyni. Lektor við tannlæknadeild Háskóla Íslands frá sept. 1978 og skipaður dósent þar frá jan. 1993. Hefur rekið eigin tannlækningastofu í Reykjavík frá des. 1979.

Félags- og trúnaðarstörf: Í samninganefnd TFÍ við T.R. 1974-87. Í fræðslunefnd TFÍ 1976-78. Í skólanefnd Tannsmíðaskóla TFÍ 1981-82. Í stjórn Félags sérmenntaðra tannlækna 1982-84. Varaformaður stjórnar TFÍ 1981-83 og meðstjórnandi 1986-88. Formaður ársþings- og endurmenntunarnefndar TFÍ 1983-84 og 1992-94. Formaður stjórnar Tannsmíðaskóla Íslands frá stofnun hans 1987. Í sérfræðinefnd tannlækna 1989-94. Ýmis trúnaðarstörf á vegum Háskóla Íslands.

Ritstörf: Könnun á munnheilsu fullorðinna einstaklinga í hópskoðun Hjartaverndar (ásamt S.Þ. Elíassyni og S.H. Ólafssyni), Tímarit Hjartaverndar, 24. árg., 1:1987, 4-6; Tennur og tannleysi 52-79 ára karla í hópskoðun Hjartaverndar 1985-1986 (ásamt sömu), Læknablaðið, 74:1988, 57-65; Munnferli karla 52-79 ára í hóprannsókn Hjartaverndar 1985-86 (ásamt sömu), sst., 74:1988, 403-409; Munnferli kvenna 52-79 ára í hóprannsókn Hjartaverndar 1986-87 (ásamt sömu), sst., 75:1989; 405-413; Tennur og tannleysi 52-79 ára kvenna í hópskoðun Hjartaverndar 1986-1987 (ásamt sömu), sst., 76:1990, 151-66; Tobacco Smoking. A Factor in Tooth Loss in Reykjavík, Iceland (ásamt sömu), Scand. J. Dent. Res., 100:1992, 322-326; Tannheilsa og tóbaksreykingar. Tannmissir, tannáta og tannholdssjúkdómar eru algengari meðal reykingafólks (ásamt sömu). Læknablaðið, 79:1993, 243-248. - Ritaði kafla um tannvernd (ásamt Sigfúsi Þór Elíassyni) í bókina Árin eftir sextugt, Rvík 1996, 373-382.

Maki: 14. júní 1969, Gerður Jónína Pálsdóttir, f. 27. júní 1946, kennarapróf frá K.Í. 1966, kennari. For.: Páll Gunnarsson, kennari og síðar skólastjóri á Akureyri, f. 20. maí 1908, d. 24. nóv. 1991, og k.h. Guðrún Hólmgeirsdóttir, húsfreyja, f. 2. nóv. 1915, d. 29. des. 1983.

Börn þeirra: 1) Kristín Gígja, f. 29. nóv. 1970, cand. odont., tannlæknir í Malmö í Svíþjóð. 2) Sigrún Elva, f. 10. nóv. 1972, nemi í sjúkraþjálfun við H.Í. 3) Þorgerður Arna, f. 23. júlí 1979, nemi við V.Í. 4) Einar Páll, f. 2. sept. 1982, nemi.

Skyldleiki/tengdir: Kristín Gígja Einarsdóttir (dóttir).